Show notes
Óstöðugleiki var einkenni ítalskra stjórnmála áratugum saman eftir síðari heimsstyrjöldina. Ríkisstjórnir komu og fóru ótt og títt. Það ber því nýrra við að sami forsætisráðherrann sitji í fjögur ár eins og raunin er með Georgiu Meloni. Hún varð fyrsta konan til að leiða ríkisstjórn þegar hún tók við 2022 og er óskoraður leiðtogi hægriafla á Ítalíu.
Aðalheiður Ámundadóttir, blaðamaður á Gímaldinu, sem býr á Ítalíu, var gestur Heimsgluggans. Þau Bogi Ágústsson ræddu ítölsk stjórnmál, efnahagslíf og horfur, mun á Suður- og Norður-Ítalíu, afstöðu ítalskra stjórnmálamanna til Evrópu og stríðsins í Úkraínu og mörg önnur mál.
Website: ruv-radio.akamaized.net

