Radio NEXT Verificeret station

Azərbaycan internet məkanında 4 aprel 2008-ci ildən fəaliyyətə başlamış Radio NEXT kiçik kollektivle fəaliyyətə başlamış, bu gün geniş və mehriban bir komandaya sahibdir. Kollektivimizdə peşəkar televiziya, radio işçiləri, jurnalistlər həmçinin həvəskarlar çalışırlar. Paytaxt Bakıdan Azərbaycan dilində internet vasitəsi ilə bütün dünyaya yayımlanan radiomuz 24 saat xidmət göstərir. Radio NEXT layihəsini ərsəyə gətirməkdə əsas məqsədimiz, internet sektorunda keyfiyyətli radio xidməti göstərmək, dünyanın müxtəlif ölkələrinin mədəniyyətini və musiqisini yaymaq, həmçinin gəncliyimizin maariflənməsidir. Buna görə də efirimizdə milli musiqilərlə yanaşı dünya ölkələrinin musiqisinə də üstünlük verilir. Eyni zamanda, studiyamızda hər həftə Azərbaycanın aktiv gənclər təşkilatlarının nümayəndələri qonaq olur. Musiqili-əyləncəli, habelə maarifləndirici olmaqla bir neçə redaksiyanı özündə birləşdirən Radio NEXT artıq 7 ildir Sizlərin zövqunu oxşamaqda davam edir. Radio NEXT bütün yaradıcı şəxslərə və prodakşnlara və gənclər təşkilatlarına əməkdaşlıq təklif edir. Radio sahəsində müxtəlif mövzularda maraqlı layihələri, yeni ideaları və təklifləri olan hər bir şəxs bizə müraciət edə bilər. Sloganımız : Radio NEXT FM- "Gələcəyin Səsi" 10 aprel 2015-ci il tarixdə "Radio NEXT Media Co." şirkəti mülkiyyət hüquqlarının "FBC Azerbaijan Broadcasting INC" şirkətinə ötürülməsi prosesin tam rəsmiləşdirilmişdir.