Saltar al contenido
Global sound
De Döschkassen

De Döschkassen

Wonehm is de Zob?

· 3 min

Notas del episodio

Wonehm is de ZOB?

Mitünner nöömt wi Sooken, Orte un Lüüd je anners, as se eegentli heeten doht, ne. Overs jedeneen, de dat kinnt weet, wat dormit meent is.
In Bookholt to’n Bispeel geev dat mol ’n Vivo-Loden. Dat weer so’n richti scheun‘ oln Tant‘-Emma-Loden, de overs vun alle Bookholter blots „Fritz-Ei“ nöömt wurr, un jedeneen weer klor, wat dat lütte Geschäft an de Turnhall‘ meent weer.
Oder de „Sündige Meile“. Veele weet direkt, wat dat üm de Reeperbohn in Hamborg geiht. De heet overs nu mol ni Sündige Meile, sündern Reeperbohn. Se is je ni mol ’n Miel lang, sünnern blots 930 Meters.
Ick dink, nu is klor, worüm mi dat geiht. So. Un ick heff vörigen Friedag mit ’n Reisebus bummeli 45 Lüüd vun‘ „ZOB“ in Nordhastedt afholn schullt. Un de ZOB in Nordhastedt is för mi de Platz bi’n Kreisverkehr an de Heider Stroot.
Dor stunn ick nu. 25 Minuten vör de Tied, overs ick stunn dor alleent. Keen Minsch dor. Denn keem overs doch noch een. De weer ook vun‘ Sozialverband, mit den ick je op ’n Tour övern halven Dag fohrn schull.
Mehr keem overs ni. Wi beiden fungen an uns to wunnerwarken. Op’t Letzt‘ bün ick no de Haltesteed an de School fohrt. Dor stunnen tatsächli all de annern vun mien Reisegruppe.
Un denn gung dat ook los. Weer ’n scheune Tour, hett düchti Spoß mokt.
Nu fung ick overs an mit de Lüüd doröver to klöön‘, wonehm denn de ZOB in Nordhastedt is. Meist all hebbt seggt, de is dor an de School.
Veele Kollegen vun mi seht overs, jüst as ick, de Haltesteed an‘ Kreisverkehr as den ZOB an. Un nu keem ick mit mien Busfohrerweeten: De Haltesteed an de School heet Haltesteed „School“ un de Haltesteed an‘ Kreisverkehr heet Haltesteed „Zentralgarten“. „Un dorüm“, heff ick to mien Lüüd seggt, „hett Nordhasteed överhaupt keen ZOB.“ Oha, dor harr ick wat seggt. Dat kunn je wull ni angohn, de ZOB weer an de School, un een‘ hett seggt: „Man kann sick ook üm Kopp un Krogen snacken!“ Toletzt heff ick dat denn ook insehn. Un ick fohr ook ganz ehrli gern weller mit Lüüd ut Nordhastedt op Tour. Annerlei vun wat för’n ZOB ick ehr afhol…

In düssen Sinn

Web: de-doeschkassen-boyens-medien.blogs.audiorella.com

En directo, última hora: 7.624 canciones en 2.928 emisoras de 119 países

Descubre el mundo a través de la radio

Más formas de descubrir (9)

¿Has oído algo bueno? Guárdalo o ábrelo directamente en Spotify.

★ Artist of the week The fastest riser on the radio this week
Your song here? From € 9 per week →
Radio GuerillaSeguir escuchando